Maxfiylik siyosati

Bu siyosat nima haqida

QR Menyu — restoran va kafelar uchun elektron menyu, ofitsiantni chaqirish va boshqaruv paneli xizmati. Bu siyosat xizmat qanday ma'lumotlarni yig'ishi, nima uchun ishlatishi va qanday himoya qilishini tushuntiradi.

Mehmonlar

Menyuni ko'rish va ofitsiantni chaqirish uchun ro'yxatdan o'tish shart emas. Sizdan ism, telefon raqami yoki joylashuv so'ralmaydi.

Telefoningiz brauzerida faqat qulaylik sozlamalari saqlanadi: tanlangan til, katta shrift va allergiya belgilari (cookie), shuningdek tasodifiy qurilma identifikatori. Identifikator shaxsingizni aniqlamaydi — u faqat takroriy chaqiruvlarni cheklash va menyu necha marta ochilganini sanash uchun kerak.

Ofitsiant chaqirilganda stol, chaqiruv turi (ofitsiant, hisob, suv), vaqt va qurilma identifikatori saqlanadi.

Restoran xodimlari

Boshqaruv paneliga kirish uchun telefon raqami va ism saqlanadi; kirish SMS orqali yuboriladigan bir martalik kod bilan (parol yo'q). Qaysi restoranda qanday rolda ishlashingiz va kirish sessiyalari (qurilma turi, vaqt) ham saqlanadi.

Restoran Telegram guruhini ulasa, guruh nomi va identifikatori saqlanadi; chaqiruvni «Qabul qildim» tugmasi bilan qabul qilgan xodimning Telegram'dagi ismi chaqiruv tarixida ko'rinadi.

Ma'lumotlar nima uchun ishlatiladi

Faqat xizmatni ko'rsatish uchun: menyuni ko'rsatish, chaqiruvlarni xodimlarga yetkazish, panelga kirish, suiiste'mol va soxta chaqiruvlardan himoya.

Restoran umumiy statistikani ko'radi: menyu necha marta ochilgani, chaqiruvlar soni va ofitsiantlarning o'rtacha javob vaqti. Bu ko'rsatkichlar mehmonlarning shaxsiga bog'lanmaydi.

Kimlarga beriladi

Ma'lumotlar sotilmaydi va reklama uchun ishlatilmaydi.

Xizmat ishlashi uchun zarur hollardagina: SMS yuborish xizmatiga (telefon raqami va kirish kodi), Telegram'ga (restoran o'zi ulagan guruhga chaqiruv xabarlari). Qonunda belgilangan hollarda — vakolatli davlat organlariga.

Qayerda va qancha saqlanadi

Ma'lumotlar O'zbekiston Respublikasi hududidagi serverda saqlanadi («Shaxsiy ma'lumotlar to'g'risida»gi qonun talabiga ko'ra).

Kirish kodi 5 daqiqa amal qiladi. Kirish sessiyasi oxirgi faollikdan 30 kun o'tgach tugaydi. Xodim restorandan o'chirilsa, uning shu restorandagi huquqlari darhol bekor bo'ladi. Restoran hisobini o'chirish so'ralsa, uning ma'lumotlari o'chiriladi; zaxira nusxalardan ular 14 kun ichida yo'qoladi.

Himoya

Barcha ulanishlar shifrlangan (HTTPS). Kirish tokenlari brauzer skriptlari o'qiy olmaydigan cookie'da saqlanadi. Har restoranning ma'lumoti boshqa restorandan ajratilgan va bu avtomatik testlar bilan tekshiriladi.

Huquqlaringiz

Siz o'zingiz haqingizdagi ma'lumotlarni bilish, tuzatish va o'chirishni so'rash huquqiga egasiz. Xodimlar ismini panelda o'zi o'zgartiradi; boshqa so'rovlar uchun quyidagi manzilga yoki restoran ma'muriyatiga murojaat qiling.

O'zgarishlar

Siyosat o'zgarsa, shu sahifadagi sana yangilanadi. Muhim o'zgarishlar haqida restoranlar panel orqali xabardor qilinadi.